Sabado, Enero 7, 2017

Ika-48 Taong Anibersaryo ng PKP!

Ang Bidyung ito ay ihinahandog ng Isnayp Bikol para sa Ika-48th Taong Anibersaryo ng Partido Komunista ng Pilipinas!

Link: https://youtu.be/Ab2-FmSJejQ

Biyernes, Agosto 7, 2015



Pahayag sa media
Agosto 8, 2015


Apat Na Sundalo Ng 2nd IBPA, Sugatan Sa Operasyong Demolisyon Ng Bagong Hukbong Bayan


Nasugatan ang apat na sundalo ng 2nd IBPA sa matagumpay na operasyong demolisyon ng Bagong Hukbong Bayan sa Brgy. Rawis, Pioduran, Albay. Pinasabugan ng command-detonated explosive at isang granada ng isang tim ng BHB ang isang seksyon ng tropang kaaway habang sila ay nagpapatrolya kahapon, ika-6 ng umaga, Agosto 7, 2015. Ang pagpapasabog ay isinagawa ng BHB bilang pamamarusa sa mga abusadong militar na maraming krimen laban sa mamamayan sa nasabing lugar.

Ang nagpapatrolyang tropang  napasabugan ng BHB ay bahagi ng operasyong PDT ng 2nd IBPA. Dalawang linggo nang muling namamalagi ang operasyong PDT  sa pitong (7) baranggay ng bayan ng Pioduran, ang Brgy. Rawis, Matanglad, Buyo, Sukip, Salvacion, Sto. Cristo at Sinagaran. Natatakot at nangangamba ang mga residente sa mga nasabing baranggay nang saklawin muli ng operasyong PDT ang lugar nila dahil sa napakaraming kaso ng pang-aabuso sa kanila ng 2nd IBPA. Matatandaang maraming reklamo ang mga taumbaryo sa ilang baranggay ng Pioduran laban sa mga paglabag sa karapatang-pantao ng tropang 2nd IBPA mula pa taong 2010.


Mabuhay ang Bagong Hukbong Bayan!


Florante Orobia
Tagapagsalita

Linggo, Hunyo 28, 2015

Paglilinaw ukol sa sulat sa Albay Power and Energy Corp

Pahayag sa Media
June 29, 2015


Paglilinaw ukol sa sulat sa Albay Power and Energy Corp


Nitong Hunyo 26, 2015, binasa sa ere sa ilang lokal na media ang isang sulat para sa kumpanyang Albay Power and Energy Corp. (APEC), ang pribadong kumpanyang pag-aari ng San Miguel Energy Corp. (SMEC) na lumamon sa dating Albay Electric Cooperative (ALECO). Galing diumano sa Santos Binamera Command (SBC) ang sulat.  Nagrereklamo iyon ukol sa palpak na serbisyo ng APEC at nagbabanta na hindi papapasukin sa sonang gerilya ang mga empleyado ng APEC tulad ng mga kolektor habang sa isang banda ay hinahamon nito ang APEC na ayusin ang serbisyo sa mga kumukonsumo ng kuryente.

Nais naming ipabatid na walang kinalaman ang Santos Binamera Command sa nasabing sulat. Inaalam pa namin kung sino talaga ang gumawa niyon. Hindi namin kinukunsinti ang paggamit ninuman sa pangalan ng SBC sa ganitong pananakot. Kapakanan ng mamamayan ang aming itinataguyod at hinding-hindi kami gagawa ng anumang hakbang na ikapapahamak ng mga taong walang pagkakasala kabilang ang mga empleyado ng APEC na kabilang din sa masang aming pinagsisilbihan.

Gayunman, hindi maitatatwa ang malawak at lehitimong hinaing ng mga Albayano laban sa pagkakasapribado ng serbisyo sa kuryente sa probinsya.  Ang ALECO ay nilamon ng SMEC na pag-aari ng malaking kapitalistang si Danding Cojuangco pagkatapos ng maanomalyang proseso ng pribatisasyon ng ALECO noong Enero 2014 alinsunod sa EPIRA. Sa batas na ito, hinayaan ng reaksyunaryong gobyerno na magkutsabahan ang mga kapitalistang kumokontrol sa produksyon, transmisyon at distribusyon ng kuryente para makahuthot ng dambuhalang tubong pipigain sa mamamayan.

Sinasalamin ng sulat ang desperasyon ng mamamayan sa usaping ito. Galit sila sa pagtalikod ng gobyerno sa kanilang kapakanan nang suportahan nito ang SMEC at APEC sa kabila ng malawak na pagtutol sa pagsapribado ng ALECO. 

Sinusuportahan at hinihikayat ng Santos Binamera Command ang mga pagkilos ng mamamayan para tutulan at pigilan ang pribatisasyon ng mga batayang sebisyo na dapat sanang ibinibigay ng gobyerno sa mamamayan.  Nakikiisa ang SBC sa pakikibaka ng mga empleyado/manggagawa laban sa pagbuwag na kanilang unyon, iligal na pagtanggal sa trabaho, kontraktwalisasyon at iba pang paglabag sa mga karapatan ng manggagawa sa loob ng pamamalakad ng APEC.  Nananawagan ang Santos Binamera Command sa mamamayang Albayano na ipagpatuloy ang laban sa pribatisasyon sa industriya ng kuryente at tuluyang pagkabulok ng mga serbisyong panlipunan dulot ng neoliberal na patakarang globalisasyon.

Ibasura ang EPIRA! Labanan ang pribatisasyon!


Florante Orobia
Tagapagsalita

Martes, Mayo 19, 2015

Palpak na misengkwentro ng PNP sa Albay, pinagtatakpan

Pahayag sa Media
Mayo 20, 2015


Palpak na misengkwentro ng PNP sa Albay, pinagtatakpan


Pilit pinagtatakpan ng Albay Police Public Safety Company (PPSC) ang kanilang kapalpakan sa naganap na misencounter kahapon, Mayo 19, 2015 sa Sityo San Jose, Brgy. Maslog, Legazpi City. Walang maidahilan ang tropang PNP sa pagtatanong kung paanong ang kanilang tangkang pagkubkob sa tropang BHB ay nagresulta sa sarili nilang kaswalti.

Kinumpirma ng opisyal na ulat ng yunit ng Bagong Hukbong Bayan sa erya ang misenkwentro ng tropang PNP. Target sana silang kubkubin ng tropang PNP, ngunit huli at lipas na ang impormasyon ng mga pulis. Nang paatras na ang pang-asolt sana na tropa ng pulis, nagkabakbakan sila ng kasamahan nilang naka-abang bilang ‘blocking force’. Samantala, ilang araw nang wala sa lugar na iyon ang yunit ng BHB.

Napatay ng sarili mismo nilang kasamahan at armas si PO3 Rene Balaguer at nasugatan naman si PO2 Ronald Bondat. Sa kahihiyan, pilit na pinapalabas ng kapulisan na lehitimong engkwentro ang nangyari.



Florante Orobia
Tagapagsalita

Lunes, Nobyembre 3, 2014

Tropang 2nd IBPA, inambus ng BHB

Pahayag sa Media
Nobyembre 3, 2014


Tropang 2nd IBPA, inambus ng BHB


Matagumpay na inambus ng Bagong Hukbong Bayan-Santos Binamera Command
ang dalawang elemento ng 2nd IBPA. Isinagawa ang ambus ng isang tim ng
BHB nitong Nobyembre 3, 2014, alas-otso ng umaga sa Brgy. Anislag,
Daraga, Albay. Nasamsam ng BHB sa operasyong ito ang dalawang
pistolang kalibre 45 (Norinco Serial #BA3710212246 at Norinco Serial
#BA1848708246). Napatay sina Pfc. Dario Manawis at Pfc. Jerome
Sambrona na lulan ng motorsiklo nang tambangan ng BHB. Kasabay ng
ambus na ito, hinaras ng isa pang tim ng BHB ang tactical command post
ng 2nd IBPA sa Brgy. Maopi ng parehong bayan.

Ang lugar ng ambus ay malapit sa anim (6) na kampo at
detatsment/outpost ng AFP at PNP kaya naging kumplikado ang
isinagawang operasyon ng BHB. Sa loob mismo ng Brgy. Maopi, Daraga na
kulang ng isang kilometro mula sa ambush site ay may tactical command
post (TCP) ang 2nd IBPA at 1kilometro din lamang ang layo nito sa
isang outpost ng PNP sa Brgy. Anislag ng parehong bayan. Ang
detatsment ng CMO Batallion, 9ID-PA sa Brgy. Bascaran ay dalawang
kilometro ang layo samantalang tatlong kilometro naman ang layo ng isa
pang TCP ng 2nd IBPA sa Brgy. Del Rosario, Camalig. Ang isang
detatsment pa ng 2nd IBPA sa Brgy. Alobo, Daraga ay apat na kilometro
naman ang layo samantalang halos limang kilometro naman mula sa ambush
site ang mismong kampo ng 903rd Bde PA sa Brgy. Villa Hermosa ng
parehong bayan.

Pinatunayan ng ambus na ito ang malikhaing pleksibilidad ng Bagong
Hukbong Bayan sa kanilang mga taktikal na opensiba at ang kanilang
di-matatawarang katapangan. Sa sinsin ng latag ng tropang kaaway sa
lugar ng ambus, inakala ng mga hambog na militar na hindi sila kayang
birahin ng BHB. Kinalimutan nila ang katotohanan na hanggang suportado
ng mamamayan ang makatarungang digma na nilulunsad ng rebolusyonaryong
kilusan, tiyak itong magtatagumpay.

Masigasig ang BHB-SBC na mabira ng taktikal na opensiba nila ang 2nd
IBPA dahil sa matagal nang perwisyo at salot ang tropang ito sa
mamamayang Albayano. Hindi na mabilang ang mga krimen ng 2nd IBPA sa
mamamayan at ang kanilang mga abusong militar tulad ng panghoholdap,
pagpatay, rape, pambubugbog at pananakot.

Ang matagumpay na ambus ng BHB ay malaking sampal sa ambisyosong
guni-guni ng AFP na matatamo nito ang target na "zero-insurgency" ang
probinsiya ng Albay sa taong 2016. Pati ang LGU-Albay at iba pang
ahensya ay ginagamit ng AFP sa guni-guning ito.

Walang katotohanan ang alegasyon ng AFP na nagdulot ng alarma ang
ambus na ito sa 'evacuation centers' ng Mayon Volcano eruption sa
Brgy. Anislag, Daraga, Albay na lampas isang kilometro na ang layo
mula sa pinangyarihan ng labanan. Alituntunin sa anumang operasyong
militar ng Bagong Hukbong Bayan ang pagtiyak ng kaligtasan ng mga
mamamayang sibilyan kaya't tiniyak ng mga kasama na makakuha ng ambush
site sa bahaging walang mga kabahayan. Bilang pagrespeto din sa
tradisyonal na okasyon ng mamamayan, pinalampas ng BHB ang undas bago
isagawa ang ambus.


Mabuhay ang Bagong Hukbong Bayan!
Mabuhay ang mamamayang Pilipino!


Florante Orobia
Tagapagsalita